Leita í fréttum mbl.is

Ánægjuleg tíðindi á erfiðum tímum

Það er ánægjulegt að sjá þegar kosnir fulltrúar taka höndum saman við að vinna að þeim málefnum sem þeir eru kosnir til að sinna.

Samstaða og samvinna eru lykilatriðin til að vinna okkur upp úr þeim öldudal sem við erum í. Þarna sýna Blönduósbúar gott framtak og fordæmi.

Ekki þekki ég málavexti sem ullu óánægju Jónu Fanneyjar en vonandi nást sættir sem leiða til þess að hún sláist í hópinn.


mbl.is Nýr meirihluti á Blönduósi
Tilkynna um óviðeigandi tengingu við frétt

Staðfesting á klækjabrögðum Samfylkingar!

Í síðustu viku setti Samfylkingin af stað atburðarás sem átti að koma Framsókn í klandur. Spunameistarar og klækjarefir þar á bæ settu á svið mikið leikrit þar sem átti að líta út að Framsóknarmenn væru að tefja stjórnarskipti.

En kemur nú sannleikurinn í ljós......ráðherralistinn var ekki tilbúin fyrr en í dag.......átti sem sagt að tilkynna nýja ríkisstjórn á föstudag og laugardag án Dómsmálaráðherra?  

Þessi auma tilraun Samfylkingar að úthýsa Svarta-Pétri frá lögheimili sínu við Hallveigarstíg yfir til Framsóknar féll því algerlaga um sjálfa sig.


mbl.is Ragna Árnadóttir dómsmálaráðherra
Tilkynna um óviðeigandi tengingu við frétt

Fréttaflutningur gamla Íslands!

Fréttaflutningur og skýringar frá þessum atburðum eru að verða meiri farsi en stjórnarmyndunarviðræðurnar sjálfar.

Eftir æpandi kröfur í samfélaginu um breytt vinnubrögð þá haga fréttamiðlar sér svona, reyna að búa til fréttir um ósætti og færa okkur fréttir um að fiskur sé undir steini þó að viðtöl t.d. við Steingrím, Jóhönnu og Sigmund segi hið gagnstæða.

Ég hef séð allavega í tveimur fréttatímum á Stöð 2 og RÚV ásamt útskýringu frá einum stjórnmálafræðingi að Framsókn hafi komið fram með ný skilyrði sem þeir setja fyrir að veita verðandi ríkisstjórn hlutleysi.

Það er tvennt sem stingur í stúf þarna.

1. Miðað við þá yfirlýsingu sem Framsókn sendi frá sér í upphafi þá voru sett fram skilyrði......þau hafa ekkert breyst.

2. Framsókn getur ekki veitt hlutleysi, þ.e.a.s. að sitja hjá, heldur verður Framsókn að styðja þau mál sem ríkisstjórnin leggur fram til að koma þeim í gegn.

Þetta sjá vonandi allir sem fylgjast með stjórnmálum þessa dagana.

Ætli þeir fréttamenn sem svona hafa hagað fréttaflutningi sínum viti ekki betur?.......eða eru þeir fastir í fréttaflutningi sem hæfa gamla Íslandi?


mbl.is Stjórn mynduð í dag eða á morgun
Tilkynna um óviðeigandi tengingu við frétt

Í sambandi við umræðuna í samfélaginu?

 „Alls ekki algjörlega, þetta hefur lengi verið í umræðunni," segir Jón Sigurðsson, stjórnarformaður Fjármálaeftirlitsins, aðspurður hvort afsögn Björgvins G. Sigurðssonar, viðskiptaráðherra, hafi komið honum á óvart.

Lítum á hvað fyrrverandi Viðskiptaráðherra sagði í morgun þegar hann gaf út yfirlýsinguna um afsögn. Samkvæmt frétt á Mbl. sagði Björgvin G. Sigurðsson eftirfarandi:

Björgvin sagði að enginn hefði þrýst á hann um afsögn og ekki hefði verið rætt um það úti í samfélaginu undanfarnar vikur..."

Samkvæmt þessu þá er annar hvor þeirra ekki í sambandi við umræðuna í samfélaginu, spurningin er bara hvor????


mbl.is Jón Sigurðsson: Afsögn Björgvins kom ekki á óvart
Tilkynna um óviðeigandi tengingu við frétt

Var þetta nokkuð fólkið í flokknum?

Halla Gunnarsdóttir þingfréttakona hjá Mbl. lýsti ástandinu í þjóðfélaginu á mjög góðan hátt í Kastljósinu á föstudaginn þegar hún sagði eftirfarandi.

"...ég get ekki ímyndað mér að nokkuð forlag hefði gefið þessa sögu út, það hefði einhver sagt, nei þú ert búin að ganga allt of langt, þetta er allt of mikið drama, þú verður að minnka þetta aðeins til þess, hérna, að sagan verði trúverðug..."

Ég er sammála Höllu, ef atburðir síðustu mánaða hefðu verið skáldsaga, þá væri hún algerlega yfirhlaðin.

En þessa sögu okkar um stjórnmálakreppuna og efnahagshrunið á Íslandi á enn eftir að skrifa í marga kafla. Það hyllir ekki undir næsta bindi sem fjallar um endurreisn.

Nú eru kaflaskil og heitið á næsta kafla er í höndum Ingibjargar Sólrúnar og gæti til að mynda borið heitið stjórnarslit, þ.e.a.s. ef ákvörðun hennar verður á þá leið.

Annars er eitthvað sem segir mér að Ingibjörg komi til með að horfa framhjá þeim háværu og fjölmennu kröfum innan flokksins sem vilja slíta stjórnarsamstarfinu.

Það er spurning hvernig Ingibjörg Sólrún hefur metið fundinn, allavega miðað við þau orð hennar á fjölmennum borgarafundi að fundarmenn væru ekki þjóðin, þá má leiða að því líkum að samfylkingarfólkið á fundinum í dag hafi að hennar mati ekki verið fólkið í flokknum.


mbl.is Meiri biðlund á landsbyggðinni
Tilkynna um óviðeigandi tengingu við frétt

Meirihluti kjósenda getur krafist kosninga!

Á sama tíma og bál er tendrað á Austurvelli, þúsundir mótmælenda öskrandi og verið er að brjóta rúður í alþingishúsinu tilkynna tíu þingmenn Samfylkingarinnar að þeir ætli að leggja fram tillögu á Alþingi þess efnis að meirihluti kjósenda geti krafist kosninga..........Súrrealískt!

Líklega sjá þeir fyrir sér að fá tillöguna samþykkta og ganga í kjölfarið út úr alþingishúsinu sigur hrósandi í opinn arm fagnandi mótmælenda sem ákallar hinar tíu nýju lýðræðis- og frelsishetjur þjóðarinnar......NOT

Það væri nær að þessir sömu þingmenn leggji fram þá tillögu að rjúfa ætti þing og að þjóðin fái að ganga til kosninga nú þegar........... og eru þetta ekki sömu þingmenn og greiddu allir atkvæði á móti vantrauststillögunni sem lögð var fram á Alþingi fyrir rétt rúmlega mánuði síðan?

Það verður forvitnilegt að sjá þessi lög í heild en búast má við að þau innihaldi ákvæði sem segir að þau eigi einungis við ef Samfylkingin er í minnihluta.


Yfirklór!

Þegar ríkisstjórnin er farin að gefa út yfirlýsingar um að það sé enginn ágreiningur þá þíðir það væntanlega ekki nema eitt.......bullandi ágreining og einhverskonar yfirklór yfir að margir hafi áður gefið út misvísandi yfirlýsingar.

Þarna er kannski kominn mælikvarði á að ef aðilar í ríkisstjórnarflokkunum tala bara í þrjár áttir þá sé það metið sem enginn ágreiningur.

Segi það aftur og segi enn.......það eina sem ríkisstjórnin hefur verið sammála um hingað til er eigið ágæti.....held að fáir deili þeirri skoðun með þeim.


mbl.is Ekki ágreiningur í ríkisstjórn
Tilkynna um óviðeigandi tengingu við frétt

Það átti ekkert að fara í mál!

Þetta staðfestir að aldrei stóð til að farið yrði í mál við bretana, það var einfaldlega búið að semja um að það yrði ekki gert. Ástæðurnar eru mjög augljósar, bretar hefðu altaf tapað, hvort sem þeir hefðu unnið málið sjálft eða ekki.

Ef Bretarnir hefðu unnið dómsmálið gegn íslandi þá myndu fjármálafyrirtæki frá öðrum ríkjum hugsa sig tvisvar um og líklega töluverður fjöldi þeirra flytja starfsemi sína til annarra landa þar sem "öruggari aðstæður" væru fyrir hendi. Bretunum væri illa treystandi til að hýsa fjármálastarfsemi og þetta yrði gríðarlegt tjón fyrir þá......ICEsave málið væri krækiber í helvíti miðað við þau ósköp.

Ef Bretarnir hins vegar myndu tapa málinu þá setti sá dómur allt á endan á öllu EES svæðinu þar sem dómurinn myndi sanna hið meingallaða EB regluverk. Allt í einu væru bretarnir orðnir ábyrgir fyrir útibúum sem áður var talið að væru tryggð í heimalandi móðurfélags. Það gæti gert að verkum að félög sem standa illa myndu klippa á strenginn við útibúin og láta þau rúlla allt á kostnað Bretana sem væru með fordæmisgefandi dóm á bakinu og gætu litla jörg sér veitt. Aftur væri ICEsave málið örðið krækiber í helvíti fyrir hagsmuni Bretlands.

Þetta vissu bretar frá degi eitt.....ef ekki fyrr......og gengu því svona harkalega fram. Þeir voru í algjörri sjálfheldu og gáfu því ekki neitt eftir. Þetta vissu líka aðrar evrópuþjóðir og stóðu við bakið á bretunum sem ein þjóð. Þetta vissu líka Geir, Ingibjörg, Davíð, Björgvin, Árni Matt og fleiri "toppar" í ríkisstjórninni og stjórnkerfinu. Þessvegna var samið um að fara ekki í mál og síðan farið í þagnarbindindi......þetta mátti ekki fréttast.

En ekki datt þeim í hug að segja okkur frá þessu........hefði t.d. ekki verið betra að segja þjóðinni strax að ekki yrði farið í mál? Taka skellin strax og fara að vinna í öðrum málum? 

Nei....er allavega þeirra svar.....þjóðina skal teyma á asnaeyrunum fram á síðasta dag.

Nú er ríkisstjórnin með eitthvað málamynda lögfræðiálit í höndunum sem "inniheldur" rökstuðning fyrir því að ekki sé grundvöllur til að fara í mál. 

Í staðinn fyrir að koma hreint fram þá heldur þessi vitleysa áfram og áfram´og áfram................

Ríkisstjórnin er farin að búa yfir ansi mörgum "leyndarmálum" sem ekki mega fréttast.....þessum leyndarmálum deila þau með Davíð og kannski fjármálaeftirlitinu......

Dettur einhverjum í hug að einhver þarna rísi upp og fari að krefjast afsagnar einstaka ráðherra? Sá sem fyrstur kjaftar frá fær gusuna yfir sig. Kjöraðstæður samtryggingarinnar.


mbl.is Vonlaust dómsmál gegn Bretum
Tilkynna um óviðeigandi tengingu við frétt

Ömurlegt útspil og tækifærismennska Samfylkingarinnar

Nýjasta útspil Ingibjargar Sólrúnar þess efnis að kjósa skuli á sama tíma um hvort fara eigi í aðildarviðræður við EB og til Alþingis er mjög ömurlegt og sýnir rétta andlit Samfylkingarinnar.

Tækifærissinnar hafa einhverjir kallað þann flokk og spurning hvort þetta útspil styðji þá nafngift ekki algerlega.

Getur nefnilega ekki verið að Samfylkingin sjái sitt tækifæri í því að geta beint næstu kosningabaráttu eingöngu að Evrópusambandsaðild og sloppið þannig að svara leiðinlegum spurningum um framgöngu þeirra í ríkisstjórnarsamstarfinu?

Fyrir mér gæti þessi texti hér á undan verðið orðskýring fyrir orðið "tækifærissinni"

ps. ég óska Ingibjörgu Sólrúnu fullum bata í veikindum sínum.


Evrópusambandsþráhyggjan

Það er með ólíkindum hvernig umræðan um evrópusambandið hefur þróast í gegnum tíðina. Annað hvort eru menn með eða á móti líkt og um fótboltabullur sé að ræða. Þegar ég segi fótboltabullur þá meina ég að þær mæta oftast á leiki ekki til þess að fylgjast með leiknum af áhuga heldur til að stofna til óeirða og spilla eðlilegri umgjörð.

Þetta er sterk samlíking og verður að viðurkennast að það á ekki við um alla en ég er viss um að margir finna þarna töluverða samlíkingu.

Þegar sambandssinnar eru spurðir spurningar um EB þá má bóka að svarið verður alltaf jákvætt.......það er ekki veikan hlekk að finna.......þráhyggjan er algjör.

Andstæðingar finna allt til foráttu og finnst tíma sínum illa varið í að ræða svona bull. Sambandsaðild er það mikil fjarstæða að það þarf ekki að ræða hana.

Meðan málin kastast svona á milli er öruggt að ekkert af viti kemur út úr henni......sem er því miður raunin.


« Fyrri síða | Næsta síða »

Skrifari

Valdimar Sigurjónsson
Valdimar Sigurjónsson

Innskráning

Ath. Vinsamlegast kveikið á Javascript til að hefja innskráningu.

Hafðu samband