Leita í fréttum mbl.is

Færsluflokkur: Bloggar

Hvar værum við án sjallanna

Líklega væri íslensk þjóð skuldum vafin, fjármálakerfið hrunið, 16.000 manns atvinnulausir, hryðjuverkalögum beitt gegn okkur ásamt fleiri hörmungum sem myndu dynja á íslenskri þjóð ef ekki kæmi til vökult auga þingmanna sjálfstæðisflokksins........

 NOT!!!!


mbl.is Þarf að skoða málið betur
Tilkynna um óviðeigandi tengingu við frétt

Skynsamlegt

Eftir allt sem á undan er gengið er setning erlends aðila sem seðlabankastjóra mjög skynsamleg ákvörðun.

Númer eitt er að skapa vinnufrið um seðlabankann. Það verður einungis gert með því að þeir einstaklingar sem þar starfa séu hafnir yfir vafa um hagsmunatengsl eða aðra þætti er draga úr trúverðugleika.

Innlendir hagfræðingar og aðrir fræðimenn hafa tekið þátt í umræðunni síðustu mánuði og það eitt getur gert þeim erfitt fyrir í starfi.

Ég óska Svein Harald velfarnaðar í starfi okkur íslendingum til heilla.......


mbl.is Nýr seðlabankastjóri settur
Tilkynna um óviðeigandi tengingu við frétt

Óeðlileg vinnubrögð forseta Alþingis

Ég er sammála Höskuldi um að óeðlilegt hafi verið að fresta þingfundi sl. mánudag. Þó að eitt mál hafi tafist í nefnd er algjörlega óviðunandi að þingið lamist út af því.

Það er nú ekki eins og það sé einhver skortur á málefnum sem þingið þarf að taka til meðferðar eða að tíminn til stefnu sé svo rúmur að hægt sé að nýta hann svona illa.


mbl.is Sakar forseta Alþingi um valdníðslu
Tilkynna um óviðeigandi tengingu við frétt

Orðið SKAL skilgreinir ábyrgð

Aukið gangsæi og fyrirfram skipulögð viðbrögð eru ákkúrat það sem ég vil sjá. Setningin sem bætt var við er mjög mikilvæg til að fyrirbyggja ákveðið samskiptaleysi í framtíðinni ásamt því að auka ábyrgð þeirra sem sitja í peningastefnunefnd og þeirra sem viðvaranirnar fá.

Orðið SKAL býr til ábyrgð og skilgreinir nákvæmlega hvar sú ábyrgð er, en það er nokkuð sem hefur vantað upp á síðkastið. Nú er ekki inn í myndinni lengur að einhver vafi sé á því að réttir aðilar séu látnir vita þegar vá steðjar að fjármálakerfinu.

Höskuldur fær prik fyrir að standa í lappirnar og gefa ábyrgðinni lögheimili.


mbl.is Peningastefnunefnd skal gefa út viðvörun
Tilkynna um óviðeigandi tengingu við frétt

Fólk úr stjórnmálalífinu fékk sérstaka þjónustu!

Viðtalið við Davíð í Kastljósinu var eftirtektarvert. Stöðu sinnar vegna sem seðlankastjóri ásamt viðveru í innsta hring stjórnmálanna í áratugi þarf ekki að efast um að Davíð liggur á mjög mörgum mikilvægum upplýsingum.

Stöðu sinnar vegna má hann með engu móti greina frá þessum hlutum.

En þar sem Davíð er reynslubolti í stjórnmálum og sérstaklega lunkinn þegar kemur að viðtölum og ná að stjórna umræðunni, þá passar hann sig að segja ekki of mikið en samt nóg til að sá þeim frækornum sem hann vill að vaxi.

Eftirfarandi brot úr viðtalinu náði eyrum mínum sérstaklega en þar segir Davíð:    

 "ég get bara nefnt sem dæmi samt sem áður að það eru nokkur hundruð einkahlutafélög sem menn hafa ekkert verið að skoða þar sem menn fengu sérstaka þjónustu í bankakerfinu bæði menn sem þekktir eru í fjármálalífinu og stjórnmálalífinu og öðrum slíku hlutum...þetta voru aðilar sem fengu sérfyrirgreiðslu í bönkunum..."

Ég tók sérstaklega eftir orðunum "úr stjórnmálalífinu" Það verður fróðlegt að vita hverjir þarna eru á ferð og hvað hefur átt sér stað.

Davíð sagði einnig að það væru tveir dagar í að hann fengi málfrelsið aftur........sú setning var fyrir mér eins og að jarðskjálftafræðingur væri að boða Heklugos.


mbl.is Davíð í Kastljósviðtali
Tilkynna um óviðeigandi tengingu við frétt

Höskuldur afhjúpar "Reykhásheilkennið" hjá ansi mörgum

Samfylkingin sem hefur eitt mál á stefnuskrá sinni þ.e.a.s. að ganga í EB. vill ekki bíða í tvo daga eftir skýrslu frá EB sem varðar ákkúrat það frumvarp sem er til umræðu........hmmmm.......

Sjálfstæðisflokkurinn sem hefur ekki tekið mark á neinum skýrslum eða nokkrum sköpuðum hlut nema það komi úr Valhöll vill bíða eftir skýrslu frá EB.....sem nb. þeir hafa ekki mátt heyra minnst á hingað til.......hmmmm....

Margir í bloggheimum sem hafa skrifað um að flokksræðið ætti að víkja fyrir faglegum vinnubrögðum ráðast nú harkalega á Höskuld fyrir að stunda fagleg vinnubrögð og að fylgja sannfæringu sinni......hmmmm.....

Ég efast um að í sögu læknavísindanna hafi nokkur tíma, á einum degi, verið greindur svo stór hópur með hið illræmda "Reykhásheilkenni"


mbl.is Lausn ekki fundin
Tilkynna um óviðeigandi tengingu við frétt

Bara fyndið....

Ég var að skoða bloggið hjá Birni Inga og rakst á eitt óborganlegt komment frá honum "Eiríki" sem byrjar á eftirfarandi orðum:

"Farðu yfir texta og stafsetningu hjá þér áður en þú birtir það sem þú villt segja."

Hehe....feitletrunin er gerð af mér fyrir þá sem ekki kveiktu....Smile


Framboðsyfirlýsing

Á kjördæmisþingi hjá Framsókn í NV. kjördæmi nú á laugardaginn tilkynnti ég um framboð mitt í 1. - 2. sæti á lista flokksins fyrir Alþingiskosningarnar í vor. Eftirfarandi yfirlýsingu sendi ég á fjölmiðla í morgun:

Framboðsyfirlýsing 

Ég undirritaður, Valdimar Sigurjónsson, hef ákveðið að sækjast eftir 1. eða 2. sæti á lista Framsóknarflokksins í Norðvesturkjördæmi fyrir Alþingiskosningar 2009. 

Íslenskt samfélag gengur nú í gegnum erfiðleika sem eiga eftir að vera skráðir í sögu landsins til allrar framtíðar. Verkefni okkar sem nú byggjum Ísland er að sjá til þess að þessi kafli sögu okkar verði skrifaður á þann hátt að hér hafi verið tekið á málum af skynsemi, dugnaði og stórhug.  

Hlutverk stjórnmálanna er að hafa frumkvæði og vilja til að leiða það verkefni. Með upplýstri umræðu, gagnsæjum vinnubrögðum og heiðarleika er hægt að vinna inn það traust sem þarf til að við sem þjóð náum vopnum okkar á nýjan leik. 

Sú endurnýjun sem hefur orðið í Framsóknarflokknum, bæði hvað varðar forystu og málefni sýnir á ótvíræðan hátt að flokkurinn gengur í takt við íslenska þjóð og hlýðir ákalli um breytt og betri vinnubrögð. Grundvallarhugsjónir Framsóknar, byggðar á samvinnu og jöfnuði eru samhljóma minni hugmyndafræði. Saman breytum við rétt og byggjum betra samfélag. 

Ég er 36 ára, fæddur og uppalin á Glitstöðum í Borgarbyggð. Árið 2006 útskrifaðist ég sem Viðskiptalögfræðingur frá Háskólanum á Bifröst.  

Fyrir alþingiskosningarnar 2007 skipaði ég 3. sæti á lista Framsóknarflokksins í Norðvestur kjördæmi. Í þeirri kosningabaráttu lagði ég mig fram við kynna mér helstu þætti atvinnu- og mannlífs í kjördæminu, sem og landinu öllu. Sú reynsla og þekking sem ég öðlaðist þar sannfærir mig um að sá kraftur, þekking og elja sem býr í íslenskri þjóð gerir okkur kleift að yfirstíga þá erfiðleika sem nú steðja að. 

Úrlausnarefni næstu missera eru fjölbreytt og kalla á frjóa hugsun, frumkvæði og nýjar framsýnar aðferðir. Ég tel mig hafa frumkvæði og þann kraft og vilja sem þarf til þess að verða í forystusveit Framsóknarflokksins í Norðvesturkjördæmi og vonast til þess að hljóta traust flokksmanna í póstkosningu nú í byrjun mars. 

Virðingarfyllst, 

Valdimar Sigurjónsson 

Allar frekari upplýsingar:

GSM: 8-205-205

e-mail: valdimar@valdimar.is

www.valdimar.is

www.valdisig.blog.is


Ef og hefði!

Fyrir ca. þremur árum var mér tíðrætt um þá hugmynd að tengja þessa tvo gjaldmiðla. Hugmyndin kom í kjölfar skoðnar á hversu líkt GBP og ISK sveifluðust gagnvart öðrum td. EUR og USD.

EF við hefðum tengt þessa gjaldmiðla t.d. árið 2006 væri staða okkar augljóslega önnur í dag.........en önnur vandamál hefðu að sjálfsögðu skapast.......sem engin veit hvernig hefði verið leyst úr og svo frv......

Núna í kjölfar hryðjuverkalaga og fleiri samskiptaörðugleika þessara tveggja nágrannaþjóða þá held ég að tenging þessara tveggja gjaldmiðla sé fjarlægur kostur.

Þess má einnig geta að bretarnir eru að ganga í gegnum miklar hremmingar með gjaldmiðil sinn og því ekki góð tímasetning að fara að tengjast þeim.

 


mbl.is Ísland ætti að taka upp breska pundið
Tilkynna um óviðeigandi tengingu við frétt

Trúverðugur?

Ég ætla bara rétt að vona að það sé ekki sannleikskorn í þessu hjá Borís, það er bara einfaldlega ekki viðbætandi á alla vitleysuna.

Annars má geta þess að slóð þessa manns er ansi skuggaleg.......eitthvað á þessa leið......í innstu klíku aðal (Jeltsín), eignast ríkisfyrirtæki á einfaldan hátt (olíufyrirtæki), kaupir stærsta fjölmiðilinn í Rússlandi og nýtir hann til að halda Jeltsín við völd, hjálpar Putin að komast til valda, Putin snýst gegn honum og kærir hann fyrir fjársvik.........þegar hringurinn þrengist fer hann til London....... Grunaður um aðild að einhverjum morðum og fleira í þeim dúr.....

Samkvæmt áðursögðu ekki mjög trúverðugur náungi......EÐA HVAÐ....af hverju er hann að segja þetta?

Getur verið að þetta sé dagsatt og hann sé að nota þetta sem einhverja smjörklípu til að beina ákveðnum spjótum frá sjálfum sér?

Svona refir eru ekki að tjá sig að ástæðulausu....bara svona sisvona.....

Vonandi var hann bara fullur


mbl.is Segir Rússa hafa keypt Ísland
Tilkynna um óviðeigandi tengingu við frétt

« Fyrri síða | Næsta síða »

Skrifari

Valdimar Sigurjónsson
Valdimar Sigurjónsson

Innskráning

Ath. Vinsamlegast kveikið á Javascript til að hefja innskráningu.

Hafðu samband