Hvernig er þessu svo best varið?

Ef ég man rétt þá gerðist það við hrun Sovétríkjanna að IMF lánaði Rússum mjög væna upphæð. Þegar peningarnir voru greiddir inn á reikning ríkisins leið ekki langur tími þar til samsvarandi upphæð var greidd þaðan inn á bankareikning í USA sem var í eigu rússnesks verðandi auðkýfings.

Ekki veit ég sannleik þessarar sögu en það myndi ekki vekja mikla furðu ef hún er sönn.

Það er spurning hvað verður úr þessum peningum frá IMF sem við erum að fá að láni, en það má líklega gera ráð fyrir að skortsalar og braskarar séu sveittir þessar mínúturnar að finna út hvernig hægt er að ná í sem stærstan skerf...

Það má alveg gera ráð fyrir að það falli einhverjir brauðmolar af ríkisstjórnarborðinu í sérvalin svarthol braskarana þegar engin stefna, algert ráðaleysi og öngþveiti ráða för í ákvarðanatöku líkt og raunin hefur verið í þessu vonlausa samstarfi SS flokkanna.

IMF samþykkir lán til Íslands

Athugasemdir

[Historiker, 20.11.2008 kl. 00:38]

Þessum peningum verður frussað í það að styðja við vora ástkæru krónu eftir að henni verður fleytt eins og Hiroshimakerti. Sem sagt sturtað niður.

[Ekki Seðlabanki Íslands, 20.11.2008 kl. 00:56]

Að kalla krónuna ástkæra er vel til orða tekið og rétt að við verðum að styðja við hana því sjálfstæður gjaldmiðill er forsenda þess að við getum gengið upprétt í útlöndum í framtíðinni. Hins vegar lýsir það vanþekkingu þinni þegar þú notar líkindamál klósetferða um þá iðju að styðja við krónuna. Þannig er það nefninlega að krónan er vænn gjaldmiðill og þegar keyptar eru krónur fyrir gjaldeyri erum við að gera virkilega góð kaup. Þannig má segja að láninu sé mjög vel varið til að styðja við krónuna og ekki útilokað að þegar uppi verður staðið hafi Ísland grætt á björgun hennar.

[Steinar Arason Ólafsson (IP-tala skráð) 20.11.2008 kl. 01:00]

Margar spurningar vakna og vona ég svo sannarlega að peningarnir verða vel nýttir. Annars heyrði ég í fréttunum um daginn að hagfræðingar teldu að stefna stjórnvalda að styrkja gjaldeyrisforðann sé ekki traust leið. Því að gjaldeyrisforðinn er þegar farinn að styrkjast örlítið og mun krónan komast á beina braut aftur eftir hálft ár.

 

Annars er ekkert tekið mark á hagfræðingum í dag. Aðeins dýralæknum. 

 

En sjáum til hvað gerist.