Vonbrigði Gylfa með Samfylkinguna skiljanleg

Viðbrögð Gylfa eru skiljanleg. Í kosningabaráttunni 2007 komu ýmsir forystumenn verkalýðsfélaga fram og lýstu yfir stuðningi við Samfylkinguna. Baráttumál Samfylkingarinnar sem komu t.d. skýrt fram í Borgarnesræðum formannsins Ingibjargar Sólrúnar gáfu tilefni til mikilla væntinga hjá þeim sem féllu í þá gryfju að trúa orðunum sem nýju neti.

Með þessum málflutningi voru ýmsir málsmetandi menn sem komu fram og börðust fyrir framgangi Sf. Núna þegar í ljós kemur hið fullkomna ráðaleysi ásamt því að ekki stenst orð af þeim fögru fyrirheitum sem flæddu í ómældu magni frá talsmönnum flokksins er ástæða þessara miklu vonbrigða og að sífellt fleiri snúa bakinu við vinnubrögðum af þessu tagi.

Ábyrgð Samfylkingarinnar er mikil og hreint út sagt ógeðfellt að heyra þingmenn flokksins, ráðherra og ekki sýst formanninn koma fram og segja að Samfylkingin beri ekki ábyrgð á því sem komið er.

Tilraun flokksins að segja það í tíma og ótíma að þeir beri enga ábyrgð í von um að ef lygin sé sögð nógu og oft þá fari fólk að trúa henni á eftir að snúast illilega gegn þeim og er þegar farið að gera það.

Frumvarpið vottur um uppgjöf

Lækkar í stuttan tíma.....miðað við hvað???

Nú er krónan búin að lækka rúmlega 60% frá áramótum. Samt talar Seðlabankinn um lækkun í stuttan tíma "eftir að hömlurnar hafa verið lögleiddar". Er þá verið að tala um lækkun miðað við gengið í dag og eftir stuttan tíma þá lagi það sig að því gengi sem er í dag við lagasetninguna? Hvenær er mögulegt að tala um eðlilegt ástand þ.e.a.s. hvenær nær krónan "eðlilegu jafnvægu og hvert verður eðlilegt viðmiðunargengi eftir að þessar efnahagshremmingar hafa gengið yfir heiminn?

Hvað er svo stuttur tími? Þetta er mjög loðin spá og virkar ótrúverðug. Líklega er staðreyndin sú að það er ekkert hægt að spá um þetta. T.d. þá er ekki bara kreppa á Íslandi þannig að verð fyrir okkar vörur á erlendum mörkuðum gæti sett strik í reikninginn. Eftirspurnin á erlendum mörkuðum kemur líklega til með að vinna mjög á móti lágri skráningu krónunnar og svo frv.

Stuttur tími, eðlileg gengisskráning, botninum náð, eðlilegt efnahagsástand og öll önnur viðmið eru allt hugtök sem þarf að endurskilgreina.........það verður ekki gert nema hreinsa út úr æðstu stofnunum og byggja upp traust á kerfið með nýju fólki, nýjum gildum, nýjum hugmyndum og Nýju Íslandi.

Gengislækkun stendur stutt

Skiljanleg þessi harkalegu viðbrögð!

Á árunum 2001 og 2002 voru sett tímabundin lög hjá mörgum vestrænum þjóðum. Lögin voru ætluð til að veita mótspyrnu og uppræta hryðjuverkaógn sem vofði yfir í þessum löndum. Í rökstuðningi með þessum lagasetningum var "nokkuð" skýrt að þau mætti ekki nota umfram þessa þætti ásamt því að stjórnmálamenn sem settu lögin lofuðu að varlega yrði farið með beitingu laganna og ekki yrði farið út fyrir þann ramma sem þau veittu.

Nú sex árum síðar eru lögin enn til staðar t.d. í Bretlandi og verið beitt eins og alþjóð veit á fyrirtæki í eigu Íslendinga og öll þjóðin bíður af þeim sökum óbætanlegan skaða.

Það eru mjög varasamar svona lagasetningar þar sem ekkert kemur fram eða er illa skýrt við hvaða aðstæður má beita lagasetningunum. Orð eins t.d. verulegum, ef ríkir hagsmunir liggja við og svo fr. geta verið algjört eitur í augum þeirra sem eru að reyna að vinna eðlilega að rekstri fyrirtækja sinna, innan allra laga og reglna.

Það er t.d. ein málsgrein í nýju lögunum þar sem þessi áðurnefnd matsatriði koma fram,  þó að hún sé innan tímamarka og á eftir fylgi ákveðinn listi til að takmarka beitingu lagasetningarinnar, þá  vakna ákveðin ónot við að sjá þessa uppsetingu. Það sem á undan er gengið í ákvarðanatöku hjá Seðlabankanum og stjórnvöldum er líklega það sem veldur þessum ónotum og harkalegum viðbrögðum eins og Geir orðar það:

(Feitletrun í texta er gerð af mér.)

"Fram til 30. nóvember 2010 er Seðlabanka Íslands heimilt, þrátt fyrir ákvæði 2. gr. laganna og 9. gr. laga um fjárfestingu erlendra aðila í atvinnurekstri, að ákveða að gefa út reglur, að fengnu samþykki viðskiptaráðherra, sem takmarka eða stöðva tímabundið einhverja eða alla eftirtalda flokka fjármagnshreyfinga og gjaldeyrisviðskipti sem þeim tengjast ef slíkar hreyfingar fjármagns til og frá landinu valda að mati Seðlabankans alvarlegum og verulegum óstöðugleika í gengis- og peningamálum:"

Fyrst búið er að setja lögin er bara að vona hið besta.

Gagnrýni of harkaleg

Þetta var það sem stjórnarflokkarnir skildu ekki!

Í umræðunum um vantrausttillöguna kom það skýrt fram að stjórnarliðar skildu ekki hvað tillaga af þessu tagi felur í sér.

Ef vantraust er samþykkt og boðað er til kosninga þá er ekki um það að ræða að mynduð sé ríkisstjórn með því fólki sem er á Alþingi núna. Nýir flokkar koma hugsanlega með framboð og það sem meira er og stjórnarliðar óttast meira en pestina er að uppstokkun verður á framboðslistum og ýmis andlit detta út.

Þannig að þegar ný ríkisstjórn verður mynduð eftir kosningar þá er staðan allt önnur. Öll gagnrýni stjórnarliða á að stjórnarandstaðan sé ekki stjórntæk og ekki hægt að vinna með henni var þvi hálf hallærisleg.

Miðað við málflutning stjórnarliða þá ættu þeir ekki að óttast kosningar.....fram kom hjá þeim ítrekað að þeir telja sig íslands einu von og ættu ekki í vandræðum með að ná samanlagt um 100% fylgi ef kosið yrði.

Láti sig hverfa

Hvar er Björgvin G.?

Tveir ráðherrar hafa lýst yfir að þeir vilji kosningar........annar þeirra þ.e.a.s. Björgvin G. Sigurðsson mætir ekki í vinnuna sína í dag á Alþingi til að fjalla um vantrausttillöguna sem er til umræðu....

Ætli það sé tilviljun?

Snúa bökum saman?

Ingibjörg segir í ræðu sinni í dag að nú sé mikilvægt að stjórn og stjórnarandstaða snúi bökum saman...... Bíddu nú við...... er þetta ekki sama Ingibjörg Sólrún og sagði á flokksráðsfundi um helgina að ef hún væri í stjórnarandstöðu þá stæði hún út á Austurvelli og mótmælti?????

Stjórn og stjórnarandstaða snúi bökum saman

Geir slæmur en Ingibjörg hræðileg.......

Ég er að hlusta núna á Ingibjörgu Sólrúnu gera sig að athlægi í ræðu sinni á Alþingi. Það eru engin svör bara útúrsnúningar. Akkúrat núna er hún farin að rífast við þingmenn í salnum. Það kæmi mér ekki á óvart að það séu hennar eigin flokksmenn sem eru að grípa fram í fyrir henni, slík er ósamstaðan í Samfylkingunni.

Það er ekkert nýtt sem er að koma fram þrátt fyrir að bæði Geir og Ingibjörg hafi hafið mál sitt á því loforði að ræður sínar myndu snúast um að útskýra hvað ríkisstjórnin hafi unnið góð verk og væri í raun frábær......... þetta er farið að líkjast atriði í Dagvaktinni og Geir og Ingibjörg koma fram fyrir þjóðina og segja að þetta sé allt saman "misskilningur" ..... gætum við fengið að halda vinnunni okkar áfram?

Eða eins og Ingibjörg orðaði á svo hjákátlegan hátt ræðunni hjá sér: "það var stór kerfisvilla í kerfinu".....

Önnum kafin við björgunarstörf

Endurnýjað umboð ríkisstjórnarinar? (Aftur)

Nú í annað skipti í vikunni afhjúpar forustufólk í Samfylkingunni að búið sé að ganga frá því við Sjálfstæðisflokkinn að þeir tveir flokkar haldi áfram samstarfi sínu fái þeir meirihluta ef kosið verður bráðlega.

Ég var að lesa bloggið hennar Oddnýu Sturludóttur á Eyjunni þar segir hún m.a. eftirfarandi:

"En þegar kemur að réttmætri kröfu fólksins um kosningar, sem og kröfu til þess að ráðherra bankamála segi af sér er ég Ingibjörgu Sólrúnu ósammála. Mér fannst hún gera því skóna í gær að þeir sem vilji kosningar, vilji þær af því Samfylkingin er í sterkri stöðu og það henti henni ágætlega núna. Það er ekki svo. Við viljum kosningar áður en kjörtímabilið er úti því ríkisstjórnin þarf að endurnýja umboð sitt. Þingmennirnir verða að leggja störf sín í dóm kjósenda." (feitletrun gerð að mér)

Hin ummælin sem staðfesta að búið sé að semja koma frá tveimur ráðherrum eins og sjá má hér. 

Þvílík vitleysa.....

Talað í hringi

Þegar ég las í gegnum fréttina um ummæli Ingibjargar stungu tvær eftirfarandi setningar í stúf: 

Ingibjörg sagði  „Í mínum huga er forgangsröðin á svona tímum einföld: Fyrst kemur fólkið og svo flokkurinn."

 „Þá sagði Ingibjörg Sólrún, að umræðan um kosningar yrði einnig að taka mið af því með hverjum Samfylkigin vilji vinna..."

Fyrir mér þíðir þetta að tala í hring og endanlegur skilningur á orðum Ingibjargar er einfaldlega að hún lítur fyrst og fremst á pólitíska hagsmuni Samfylkingarinnar við alla ákvörðunartöku.

Áfallastjórnuninni lokið

Stjórnlaust!

Viðbrögð og svör Ingibjargar benda til þess að hún hafi endanlega misst stjórn á atburðarásinni innan Samfylkingarinnar. Frá upphafi hefur flokkurinn verið mjög tvístígandi í öllum sínum málum og aldrei náð að mynda þá heild sem þarf að vera fyrir hendi til að ná trúverðuleika. Þarna er um að ræða samansafn af mjög ólíkum einstaklingum sem hafa hafið sinn pólitíska feril í mjög mismunandi stjórnmálaörmum og því er ekki um að ræða svipaða grundvallarhugsun sem flokkurinn byggir hugmyndafræði sína á. Eina sameiginlega hugsunin er bara að ná völdum.

Núna eru örlagatímar og sjaldan eða aldrei hefur reynt meira á að stjórnmálamenn komi fram af ábyrgð og skynsemi. En svo er aldeilis ekki um að ræða hjá Samfylkingunni sem kristallast í að forystufólk flokksins talar sitt í hvora áttina og gefur út yfirlýsingar sem stangast á í grundvallaratriðum. Samfylkingin í stjórn og stjórnarandstöðu líta út sem tveir gjörólíkir flokkar sem sýnir og staðfestir að grundvallarhugsunin er ekki skýr og stoðirnar sem flokkurinn byggir á eru handónýtar. 

Kosningar ekki tímabærar