Einn hættir þrjú byrja.....er ekki í lagi?

Ég man ekki betur en Samfylkingin hafi á sínum tíma, þegar hún staðsetti sig sem höfuðandstæðing Sjálfstæðisflokksins í íslenskri pólitík, rifist þangað til þau voru orðin eldrauð af æsingi yfir ráðningum Sjálfstæðismanna í utanríkisþjónustuna.

Það hefði verið viturlega að hætta að rífast meðan þau voru ennþá rauð í staðinn fyrir að halda áfram þangað til þau urðu blá og tóku þar með upp starfshætti íhaldsins sem þau fordæmdu áður.

Það væri einfalt mál að fara inn hjá heimasíðuna hjá þeim og ná þar í einhverja tugi málsgreina sem skýra frá því að nákvæmlega svona ætli þau ekki að starfa.......ég bara nenni því ekki..... en mæli með að Samfylkingin setji upp tvær heimasíður fyrir næstu kosningar.

wwvv.samfylkinginirikisstjorn.is

wwvv.samfylkinginistjornaradstodu.org

Sigríður Anna skipuð sendiherra

Athugasemdir

[Þórunn (IP-tala skráð) 11.3.2008 kl. 09:56]

Ég veit nú ekki betur en að Sigríður Anna ein hafi verið ráðin ný. Hin tvö eru nú þegar í sendiherrastöðum og því ekki verið að bæta þremur við í stað eins. Ég held alveg örugglega að Gréta og Þórir sæti aðeins tilfæringum innan ráðuneytisins.

[Stefán Bogi Sveinsson, 11.3.2008 kl. 10:30]

Hin tvö voru ekki sendiherrar fyrir. Þau voru skrifstofustjórar. Það er verið að skipa þrjá nýja sendiherra inn þar sem fyrir liggur að þegar eru of margir á fleti.