Setti á mig kynjagleraugun þegar ég las fyrirsögnina

Ef ég væri að reifa þennan dóm þá myndi ég passa mig sérstaklega að minnast ekki á kyn einstaklingsins í fyrirsögninni því að það skiptir ekki máli. Eða hefði málið farið öðruvísi ef um hefði verið að ræða strák?

Með þessum hætti er verið að draga athyglina frá því sem raunverulega skiptir máli þ.e.a.s. hvort þær aðstæður sem voru fyrir hendi hafi réttlætt þær aðgerðir sem gripið var til.

Bærinn gat neitað stúlku um skólavist

Athugasemdir

[Salvör Kristjana Gissurardóttir, 14.12.2007 kl. 12:10]

Þetta er áhugavert. Auðvitað hefði fréttin átt að vera "Bærinn gat neitað barni um skólavist".

[Anna Lilja, 14.12.2007 kl. 15:00]

Eru þetta ekki dálitlar öfgar?

Það skiptir ekki mestu máli í þessari frétt af hvoru kyni einstaklingurinn er og það ætti heldur ekki að trufla lestur á henni, því það er engin ástæða til þess.  

Eru það ekki bara vankantar af þinni hálfu að geta ekki tekið mark á fréttinni af því að það kom fram að umrædd manneskja er kvenmaður?

Þetta finnst mér nú lélegt og vera komið út í algjörar öfgar, þessi kynjaumræða. Það er ekkert hér sem að er þess valdandi að maður þurfi að setja upp þessi kynjagleraugu sem þú talar um.